"دخلك يا طير الوروار"!

كتب عبد الفتاح خطّاب في "الدبور": دخلك يا طير الوروار خبّرني بلبنان شو صار خبّرني عالضرايب قالوا صارت بالقنطار والزُعما المصايب مفتكرين الشعب حمار. وهالحكومة المشلولة خيبة أمل وفشل وعار وفوق الدّكة شرطوطة وميّة سؤال واستفسار عمّال يحكوا بالإصلاح وهيدا خلا عقلي طار وفضايح ورا فضايح شي صغار وشي كبار والسُرقة والنهيبة صارت شغلة الشُطّار والدولة ما عم تحمي شعبها من الإحتكار وعم تغرق بشبر مي وضاعت بشوية أفكار. يللي قرُفت وحتهاجر خليك صامد بها الدار بُكرا الشعب بدّو يقوم ويفِكّ رقبة هالفُجُّار! (عبد الفتاح خطاب - الدبور)