انتشرت على مواقع التواصل الاجتماعي، صورة قال الناشطون إنّها تعود للإعلامية وفاء الكيلاني في شبابها.
وفي التفاصيل أنّ الكيلاني ردّت على المنشور، فكشفت أنها ليست الفتاة الموجودة في الصورة، رافضة التنمر على الفتاة المتداول صورتها.
وعلى حسابها على "إنستغرام"، نشرت الكيلاني الصورة، وكتبت: "البنوتة القمر دي مش أنا ومضايقنيش تشبيهها ليا والصورة دي دايره بقالها أكتر من سنتين ماعلقتش بشكل رسمي لأني مش شايفه عيبه في ملامحها وشيفاها قمر كمان، وطول عمري كان نفسي شعري يكون ويفي او كيرلي بدل شعري الناعم".
وتابعت: "بس حبيت أوضح في الوقت ده عشان التنمر اللي بأه ضد صاحبة الصورة ع السوشيل ميديا من ناس عينيها ماتعودتش تشوف الجمال ..فبتقبح كل ماتراه".
وأضافت: "وعشان المجلات والمواقع اللي كان نفسي ماتقعش فى خطأ المعلومة وياخدوا بالهم أن ألف باء الإعلام هو التحرى عن المعلومة والتأكد من مدى سلامتها قبل نشرها".
واختتمت كلامها موجهه تحية لصاحبة الصورة: "تحية للجميلة صاحبة الصورة وهارد لك لأصحاب النوايا الحسنة".