ياسمين عز تثير الجدل من جديد بنصائحها للسيدات.. ماذا قالت؟ (فيديو)

أثارت المذيعة المصرية ياسمين عز جدلاً جديداً على مواقع التواصل الاجتماعي، وذلك بسبب نصائحها الى السيدات.

فخلال تقديمها برنامج "كلام الناس" على قناة MBC مصر، تحدثت عن إعجابها الشديد بالرجال الذين يعملون في المصارف.

ورأت ياسمين أن موظفي البنك يتمتعون بالعديد من الصفات التي تنال إعجابها وتجعل من حق زوجات هؤلاء الرجال الشعور بالغيرة عليهم من الأخريات. إذ قالت: "اللي متجوزة موظف بنك دايماً بتتحسد عليه، بيكونوا دايماً على الفرازة، مابيكبروش في العمر، العمر بيجي لغاية عندهم ويقف، تحسي إنك متجوزة موديل، طول اليوم بيشف ويرف من الشياكة والنضافة وريحة العطر بتاعه اللي بتكون جايبة لغاية آخر الشارع".

View this post on Instagram

A post shared by MBC Masr (@mbcmasrtv)

وتابعت موجهةً كلامها الى زوجات العاملين في البنوك: "لو جوزك موظف بنك ليكي حق تغيري عليه من أناقته ولياقته ولباقته اللي بتتمناها بنات كتير، وفي حاجة بتلفت انتباهي دايماً، إيديهم وضوافرهم كأنها دايماً معمولة باديكير لوحدها والزوايد متقصقصة، مع إنه مبيعملش فيها حاجة، بس دي حاجة رباني".

وأضافت: "معروف أن الرجل طبيعته ربنا خلقه نضيف وبيشف ويرف، ولكن موظف البنك تحديداً عدّى المواصفات القياسية، داخل مستوى رفيع عشان يعلّي درجاته".

وأشادت المذيعة بصوت موظّفي البنوك، وقدرتهم على التحدث بنبرة خفيضة، قائلةً: "صوته صيفي، لأنه راجل، بس بطبقة منخفضة تميل للجاذبية، القميص مسطرة، والبنطلون مكوي والجزمة بتلمع لمعة جلد التمساح، موديل مش موظف بنك".

وتابعت: "موظف البنك بيكون عارف الهدف بتاعه كزوج، وبالتالي يبذل كل طاقته عشان يحقق الهدف ده، ويوفر لك حياة جميلة أنتي وولادك، وعمره ما يطمع في فلوسك، يا هانم ده واحد بيكون تحت إيده ملايين مملينة، وعمره ما يطمع فيها، فما بالك بفلوسك أنتي! ومستحيل تطلبي منه فلوس يرد عليكي بجملة (هو أنتي فاكراني شغّال في بنك) لأنه فعلا شغال في بنك". (لها)