رضوى الشربيني عن سجود زوجة حسن شاكوش في حفل زفافهما: أوفر قوي متعملوش زيها

وصفت المذيعة رضوى الشربيني تصرفات عروس مطرب المهرجانات حسن شاكوش، بالكثير من "المبالغة" وخاصة موقف سجودها لله فرحا بعقد القران رسميا.

وقالت رضوى عبر برنامجها "هي وبس"، إن الموقف غير مسبوق، ولم يحدث من قبل، ولكن لا يستحق السخرية من العروس، لأن كل واحد من حقه يعبر عن فرحته بالطريقة اللي تعجبه.

ولفتت الى أن كثير من الناس طالبوها بالتعليق على تلك الواقعة، وقالت: "هقول إيه، ست فرحانة بتعبر عن فرحتها، يمكن هي شايفة حسن شاكوش الراجل اللي تعمله الحركة دي في الفرح قدام الناس، صحيح هي حركة أوفر جدًا، وآخر حاجة كنا بنشوفها إن لعيبة الكورة يسجدوا لما يجيبوا جول".

وتابعت: تعليقي أنا على الواقعة بعيد عن ريم طارق أنه إزاي أنا واحدة ست هانم انزل على ركبي ومنها على الارض قدام الناس بفستان الفرح ميصحش، وأنا كأنثى بأقول لا، ومشكلتنا والخوف لو تحول الأمر إلى ترند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها، ياريت يا بنات متعملوش كده أبدًا".

واختتمت رضوى الشربيني نصيحتها للبنات قائلة: لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي، وأفرد دراعي وأحمده قدام الناس بالشكل ده.

وتصدر اسم المطرب الشعبي حسن شاكوش قائمة الأكثر بحثا على مواقع التواصل الاجتماعي، بعدما شهد حفل زفافه العديد من المشاهد المثيرة للجدل أبرزها سجود زوجته فور الانتهاء من مراسم عقد القران. (سيدتي)