تعرّضت للخيانة من أقرب الناس.. فنانة شهيرة تكشف: كانت صدمة لما اكتشفت قلة الأصل (فيديو)

شاركت الفنانة المصرية ملك أحمد زاهر في بودكاست "دوبامين"، الذي يقدمه الإعلامي حسام المراغي على منصة "Upodcast".

وكشفت ملك عن أسرار جديدة حول فترة مرض والدها، مشيرة إلى أنها كانت فترة صعبة للغاية، ومرت هي وأسرتها حينها بضائقة مالية، بعد ابتعاد والدها عن العمل نحو ثلاث سنوات، مؤكدة أنها مرت بصدمة قوية بعد تعرضها للخيانة من أقرب الناس لها.

وقالت ملك إن وقت مرض والدها، كان منزلهم يفتقر للمال والطعام، ولكنّ والديها استطاعا أن يحتويا الموقف آنذاك.

أضافت: "عدى علينا أوقات مفيش فلوس في البيت، لكن مامي وبابي عمرهم ما حسسونا بده.. وبابي جاله مرض نادر، وقعد 3 سنين في البيت مبيشتغلش، ومفيش فلوس ولا أكل، لكن هما شالوا البيت وشالونا".

كما أكدت أنها ترى أن والدتها سيدة قوية للغاية، واصفة إياها بـ"عمود البيت"، مشيرة إلى أن والدتها تتحمل مسئولية البيت وبناتها وزوجها وأسرتها وعملها وحدها دائمًا دون تقصير.

View this post on Instagram

A post shared by U Podcast (@upodcast.eg)

وعن فكرة الزواج وارتباطها عاطفياً، قالت: "فكرة الرجل بالنسبة لي مستوحاة من أبويا، وأبويا هو ده أحسن إصدار من الراجل فبقيس عليه دايمًا، لأنه شخص مسئول جدًا.. العيلة أولوية عنده أكتر من نفسه ودماغه كبيرة".

أضافت: "بابي مشبعنا أوي أنا وإخواتي البنات من فكرة وجود الراجل والحنية والاحتواء والأمان.. فمش همشي أدور على ده بره، لكن هقعد رجل على رجل، لحد ما يجيلي اللي يستاهلني".

وعن تعرضها للخيانة قالت ملك: "سنة 2024 كانت صعبة عليَّ في كل النواحي، على صعيد الشغل والعلاقات الإنسانية، فيه ناس غدرت ومشيت، وفيه ناس مبقتش موجودة، ودا أثّر فيَّ جدًا، هم كانوا ناس مش كويسة".

أضافت: "بالتحديد شخص معين، من أقرب الناس لي، ومكنتش عارفة هعيش إزاي من بعده، وفيه حاجات كتير مكنتش موجودة في حياتي، وحصل بعد كده معي مواقف مشابهة، لكن بعدها عادي لقيت إني نشفت وبقيت أقوى ومبقتش أضعف بسرعة، كانت صدمة لما اكتشفت قلة الأصل والخيانة في نفس اللحظة".

يذكر أن ملك أحمد زاهر شاركت في موسم دراما رمضان 2025، بمسلسل "سيد الناس" . (لها)