شنّ الشاعر اللبناني منير بو عساف هجوماً على الفنانة إليسا بعد إطلاقها ألبومها الأخير "سهرنا يا ليل"، معتبراً أن اللحن ممل وأن الأغاني التي إختارتها لا تخدم أي فنان على المسرح.
وكتب بو عساف عبر صفحته الخاصّة على موقع التواصل الاجتماعي "فيسبوك": "بتجرُّد وموضوعية سمعت ألبوم النجمة الكبيرة تا شوف وين الإبداع والذوق بالإختيار والإحساس العالي، جَربت جرِّد حالي من تأثير نجوميتها عا حِكمي حتى ما كون عم حِب الأغاني لأنو لازم يكونوا حلوين بمجرّد ما تكون هيي عم تغنّيهن، فا لقيت إنو يللي عاملتو من ملل بالألحان والجرايد الكلامية بالأغاني ونوعية وشكل الأغاني يللي ما بيخدم أي فنان على المسرح، وايقاع غربي مبالغ باستعمالو ب أغلبية الأغاني ولَت وعجن ورتابِة، هودي كلُّن غَلبوا وأطاحوا بتأثير نجوميتها عليي وكانوا كفيلين يخلّوني إتأكد إنو في كتير فنانين بتصير معن النجاحات بالصدفة المطلقة ومش من ذوق رفيع واختيار بذكاء وحِنكة واحساس عال، ضيعان الوقت والمال يللي عم ينهدر عا15 و16 أغنية بـ البوم واحد مصيرُن النسيان حتى ما قول شي تاني".
وتابع كلامه الناقد بالقول: "القَفلِة: التغطرس والتكبُّر والإدعاء وسياسة الرأي الأول والأخير لي وأنا اللي بفهم وبحِس، بحِس رح يقضوا عليها فنياً
ملاحظة: يللي بدّو يهاجمني لأنو في عندو فنان إلٓه ومُنَزّه بالنسبة إلو، ما ينسى إنو الفن ذوق ووجهة نظر، أي رأي منافي للأحترام والأخلاق يتحَمّل صاحِبُه تَبعاتِه، من حق الرَد أولاً،والبلوك ثانياً،أو التجاهُل المطلق لأنو ما الي جلد ناقش أغبياء
مع إحترامي".