بعد إنتشار خبرٍ عبر أحد الحسابات على موقع "تويتر" باسم الفنان زياد الرحباني، مفاده أنَّ "صحة السيدة فيروز تدهورت وتمّ نقلها إلى المستشفى"، نفَت إبنة فيروز المخرجة ريما الرحباني الشائعات مطمئنة الجميع على صحة السيدة فيروز، وإعتبرت أن من روَّج للخبر "يعاني وضعاً محرجاً".
وكتبت الرحباني عبر صفحتها: "كتير بيضحكوني المصادر المقرّبة! منين بيضلّن ينبّتوا ويصرّحوا كمان!! أبداً ما رح نلاحق اللي طلّع الإشاعة لا قانونياً ولا غير قانونياً وأساساً العيب الأكبر من اللي عم ينشر الإشاعة من بعدو، بيدون ما يتأكّد من الخبر ورغم نفي الخبر، مع إنو الواحد مش مضطر يفوت بلعبة النفي لأن هيدي إحدى الإشيا اللي بتعمل بلبلة بتناسب مُطلق الإشاعة. والغريب عجيب بالموضوع إنّو رغم النفي، بيضل في ناس مُصرّين إنّها مش إشاعة!! إيي!! إنّو مضطرّة أنا كمان إبعتلن فرداً فرداً تطمين تيرتاحوا!؟ ما حدا بدّو يقرا وبدّن ياها من الآخر. إيي! حالتن اللي حرجة جداً جداً".