شاركت الفنانة أمل حجازي مع جمهورها صورة تجمعها مع وزير الصحة وائل أبو فاعور عبر صفحتها على فيسبوك.
وأرفقت هذه الصورة بتعليق جاء فيه التالي:
"رسالة إلى معالي الوزير وائل أبو فاعور، أولًا أنا بكره السياسة والسياسيين بلبنان، وبحس أنه الامل مقطوع منهم".
" من فترة وانا عم تابعك، وحاسة إنه فيك أشياء غير البقية، مع أنه هيدا واجب كل إنسان بكون بمنصب معين.. "
"بس بهالبلد اكيد منستغرب أنه يكون عنا سياسي بيشتغل من قلبه".
وتابعت حجازي: "اليوم تعرفت عليك شخصيا وتفاجئت باشياء كثيرة.. كنت مفكرة رح اوصل على شارع مسكر من الامن والدرك، متل ما عودونا الحرامية عفوا قصدي السياسيين.. لقيت حالي طالعة على بناية عادية، طبعاً تفاجئت كمان لأن كمان عودونا إنه بيوتهم عبارة عن فيللا او قصر وتفاجئت أيضا من تواضعك وذوقك الرفيع وإنسانيتك، لأنه زيارتي الك بهدف انساني.."
وختمت الفنانة أمل حجازي بالقول: "شكراً ابو فاعور لأنك رجعتلي ولو بصيص امل انه يكون عندنا امل بهالبلد".