منذ بثّ الحلقة الأولى، يواجه برنامج "نقشت Take me out" الذي يقدّمه فؤاد يمين على شاشة "LBCI" إنتقادات.
وقد علّقت صفحة "عديلة" السخرة" على "فيسبوك" على البرنامج قائلةً: "في كتير برامج بشعة ومش مقبولة وبلا طعمة على القنوات العربية وتحديداً اللبنانية، بس على الأكيد انه ولا برنامج وصل للمستوى الرديء تبع "نقشت Take me out". الفكرة طبعا مسروقة (بس لو شي مرة نعمل شي اورجينال و نشغّل مخنا شوي). المذيع ما عم بفهم هو ممحون ولا الله هيك خلقه عقلاته مشبوكين بين اجريه. الصبايا وما ادراك ما الصبايا! لك عيب عليكن! بنات الوطن العربي كانوا بيموتوا تا يصيروا متلكن! شو صرلكن؟! انتو هيك بحياتكن اليومية؟ انتو هيك كل الوقت بتحكوا؟ أهلكن كتير فخورين فيكن قد ما كبيتوا حالكن على الاستاذ على العلن؟ 30 صبية لبنانية كلهن مجلوقين ويائسات ومستعدات يعملوا أي شي وكل شي حتى يعلقوا شب. لا ومش أي شب! شو هالجغل واثق الخطوة يمشي ملكاً. واللي واضح انه مش متل ما هو مبين ومتل ما البرنامج كان عم بسوقله. بس الهيئة الصبايا بيقبلوا بالوجهنة والكذب وشوفة الحال والنفاق كرمال ظل "راجل" ولا ظل حيطة".