نشر الممثل الكوميدي على صفحته الخاصة على موقع التواصل الاجتماعي "فيسبوك" تعليقاً قال فيه: "كل ما إحكي شي عن LBC بتقوم القيامة وبيستنفروا الغيارى وبتولع التعليقات من الزنار وطالع ونازل "ما حدا قاهركُن غير ال LBC" "انتو وصَلوا لخصرا بالأول" وبيوصلوا معهن اللَعلَعات للشخصي: "انت يا أقرع" هههه (واو شو جرحتوني) و"نصيحة ما تفوت فيها" و"خليك بعيد عن الموضوع" (العمى ليه؟؟) و"ما تاخد طرف" (بس ما انا طرف) "كنا نحبك" (هههه شو هالمحبة اذا بتنهزّ اذا انا أخدت طرف او حكيت هيك مواضيع او أبديت رأيي كمُشاهد متلي متلُن؟).. فما في مهرب من هالهمروجة.. إلا يمكن بحالة وحدة يضيعوا !!.. "اذا جبتلن سيرة انو الإخت ليلى عبد اللطيف راجعة عل LBC" مممم هيك، مُمكن ينسوني شوَي ويلتهوا فيها (قد ما هني "ما بيطيقوها" عادةً) هههه بس ما بيخلى الأمر من انو يطلع كم واحد ووحدة يقولوا: اي بس لو كانت ليلى عبد اللطيف عَ كوكب ال MTViiiii (مع مَدّة لَئمنة) ما كنتوا بتحكوا عنها الا بالمنيح وكنتوا ألّهتوها كمان انتو يا بضاعة الكواليتي يا كذا وكذا.. ههههه #شو_مهضومين_لما_يصير_عندُن_قضية".
وكان حلاوي هاجم وسام حنا الذي يقدّم برنامج "حسابك عنا" بالقول: "كل ما شوف الصديق #وسام_حنا عم يترقوَص ويرفرف هو وعم يقدّم برنامجو عل LBC دغري بيخطر عبالي مشهد هني وعم يهددوه بالإدارة انو: اذا شي مرة منشوفك عم تحكي كلمة وحدة بس "عالغاطط" منجيب غيرك".