بعدما انتشر فيديو، بدا فيه الفنان عامر زيان وهو يتعاطى المخدرات، وجّه رسالة إلى جمهوره وإلى رئيس تحرير صحيفة "الديار" شارل أيوب والمحامي جوزيف غزال، اللذين قاما بابتزازه بالفيديو.
وقال زيّان في الفيديو: "من يومين تمّ التداول على مواقع التواصل الاجتماعي والتلفزيون بفيديو لي وأنا أتعاطى المخدرات، أول شي هيدا الفيديو منذ خمس سنوات وهيدا الفيديو تحقّق فيه وأنا طلبت أن يقيموا لي الفحوصات اللازمة".
وأضاف عامر: "برضى أمي وأبي وربنا التجأت إلى أبونا مروان خوري، وقلت له إنو جرّوني لهيك قصة ما كنت بعرف فيها قبل وكنت أول طلعتي".
وأكد الفنان عامر زيان أن "كل انسان ممكن يتعرض لهيك شي وكل انسان ما في فوق راسه خيمة وبتمنى من الكل انو يتعلموا من هالشي يالي صار معي وما ينجروا لهيك قصص لأنها رح تعرضكم للأذى، وبالنهاية ما حدا خلق كامل وكلنا منغلط وانا كنت من بين هالضحايا".
وردّ زيّان في الفيديو إلى أيوب والمحامي الغزال، بالقول: "بدي قول لمن آذاني شارل أيوب والمحامي جوزيف الغزال انو انتوا فكركم بهيدا الابتزاز هزّيتوني أو أثرتوا في بالعكس هيدي رسالة انا قدّمتها لكل العالم انو عنجد ما يوقعوا بالغلط، ويتعلموا من الغلط يالي صار معي انا".
(الجرس)