تعليقًا على حراك المجتمع المدني المستمر منذ أكثر من أسبوع، وبعد اقتحام مجموعة من الشباب وزارة البيئة يوم أمس، علّق الفنان رامي عيّاش على ما يجري عبر حسابه على موقع "فايسبوك" قائلًا إن "التنظيف ببلش من الغميق".
وهذا ما جاء في كلمة عياش:
"بعد خبرة اكتسبناها من وجع أهالينا ومن الاتفاق الدولي على دعس لبنان حتى ما يرجع ينهض ولا بأي طريقة لأنو سياحتو بتأثر على غيرو وبما انو هوي شوكة كبيرة بخاصرة البعض اللي (بيمثل انو هوي صديق للبنان وخايف عليه) فبيدفع شوية فلوس بيوهم فيه الرأي العام وشوية سياسيين.. فإذا نهض لبنان غيرو بيقعد بلا شغل؛؛؛؛ هيدا تقديري باللي رح يصير.. رح يتصل كبار الزعماء بالباقيين ويقلن: يا...... بلشوا هول الصيصان الصغار (المواطنين) يطلع صوتن، والشارع بلش يكبر ،وبلشوا يشيلوا الكراسي من تحتنا. ولووو ما نحنا دافنينوا سوا... تعوا نعمل حالنا إنو تضامنا. وكل واحد فيكن يتنازل شوي. منتفق على رئيس بسرعة نسكت فيه الناس كيف ما كان ، وهيك منرجع منضحك علين من أول وجديد smile emoticon ومنعيش حياة حلوة بلا ما نحس بالذباب (المواطنين) اللي حوالينا.. بعد ناقص كم صوص ينكد على ثرواتنا وكراسينا وراحة بالنا... فـ شوا اتفقنا يا....حلوين ؟؟؟ ..........اتفقنا ريس؛؛؛؛
لبنان تعب كتير. وشعبه تعب اكتر اذا ملاحظين انو الجيل اللي عم يثور هم شباب يافع بطاقة كبيرة لأن اللي قبلهم تعبوا ما عندن طاقة ولا نفس... إن شاء الله نقدر نعمل تغيير...... هيدا... آخر.. أمل.. للبنان.
التنظيف ببلش من الغميق".