كتبت الفنانة كارمن لبّس عبر حسابها على "تويتر" متوجهة إلى الرئيس الفرنسي إيمانويل ماكرون إثر قراره زيارة لبنان: "تعا وجيب معك الإنتداب، ما بقى بدنا هالإستقلال".
وهو ما أطلق موجة من التعليقات حيث رأى بعض المتابعين في هذا تعبيراً عن الغضب والاستياء من أداء السلطة المحلية، فيما أشار آخرون إلى أنه دعوة غير مقبولة للتخلي عن السيادة الوطنية.
وإثر ذلك، ردّت الفنانة في تغريدة أخرى على أحد المنتقدين: "أين الاستقلال والعزة؟ اذا مش عايش هون فما تتفلسف. أكبر ذل يلي عم نعيشوا، اذا المستعمر غريب بتحاربو لتبني وطن، بس اذا المستعمر منك وفيك شو بتعمل؟ لا تزايد عليي بالعروبة والوطنية، أنا كل عمري عشتو هون. أنا حكيت بإسمي لا باسمك ولا اسم غيرك. ومش انت اللي بتقلي لمين بسجد، ما بسجد غير لربّي".
وأضافت كارمن موضحةً: "كل واحد ما فهم المعنى المجازي وأخد الجملة بشكل حرفي هو مسطح عقلياً وفكرياً وما بدّي قول بهيم لأنو حرام. فكل واحد فكرو محدود رح إعملّو بلوك لأنو ما بيهمني أعرف إنو موجود بهالعالم".