من طرابلس إلى البترون فجبيل وجونيه وبيروت وصيدا وصور، وصولاً إلى كل ناحية وبلدة وحارة؛ لبنان "أكبر من أن يبلع وأصغر من أن يقسم"، شعارٌ انتشر أمس على مواقع التواصل الإجتماعي، مرفقاً بصورة تبرز قوة لبنان المتمثلة بجيشه وأرزه وعلّمه. هذا ما يميز لبنان واللبناني عن باقي الدول في الكرة الأرضية، بحسب النقاشات الواسعة التي دارت بين الناشطين عبر "تويتر": ومن هذه التغريدات برزت الآتي: #لبناني_يعني كل شي حلو، لكن لا أحب في اللبناني جلد الذات. #لبناني_يعني لازم كل طايفة تشكّل جناح مسلح تتحمي حالها وتحمي الأقليات، وبعدين ترجع وتقول "أنا اثق بالدولة والجيش". #لبناني_يعني مفصوم. #لبناني_يعني تاريخ وحضارة وعلم ومعرفة ومقاومة عبر العصور. #لبناني_يعني إرفع رأسك أنت تعيش في عصر الأامين العام لـ"حزب الله" السيد حسن نصرالله. #لبناني_يعني: ل: لا تحلم ب: بحياتك ن: نجبلك ا: الكهرباء ن: نام أحسن. #لبناني_يعني انت سياج الوطن! مش إتفاقيات أرخص من الحبر وأوصياء ارخص من الإتفاقيات. #لبناني_يعني من البلد اللي هزم إسرائيل. #لبناني_يعني محلل سياسي واقتصادي واجتماعي ورياضي وعسكري ونفسي ومن جميعوا. #لبناني_يعني بتطلع بتسب النواب والسياسيين ليل نهار وبترجع متل الشاطر بتنتخبهن. #لبناني_يعني لا كهربا لا مي لا شغل. #لبناني_يعني لازم ياخد جائزة لإنو بعدو عايش. #لبناني_يعني ضحى بخروجه من الحدود اللبنانية وقاتل ليحمي من هم داخل الحدود. #لبناني_يعني كرامة شرف عزة.. مش عميل عند حدا. #لبناني_يعني مش بس إنك حامل هوية لبنانية لازم تكون بتستحقها. #لبناني_يعني قوي بعقلك، بكرامتك، بأخلاقك، وبزندك! #لبناني_يعني إنك تكون أول شعب عربي أعاد العزة والكرامة للعرب. #لبناني_يعني محمد وعلي وشربل. #لبناني_يعني 10452 كلم مربع وما منترك ولا شبر منهن. #لبناني_يعني تعيش فقير وغني بنفس الوقت. #لبناني_يعني بتتأخر ع مواعيدك. #لبناني_يعني من هون من عنا انكتب تاريخ الأبطال. تغريدات الناشطين لا تعكس آراءً في السياسة والإجتماع والثقافة؛ هي- عن جدارة- إنعكاس لتباينات وانقسامات عميقة وقديمة تحكم كل مفاصل المشهد اللبناني؛ حيث لكل مقام مقالٌ وتبرير، وحتى إشعار آخر سيبقى اللبناني مالئ دنياه وشاغلها بما يظن أنها عبقرية لم تخلق إلا له. (رصد "لبنان 24")