ريم، هناء، روي، سارة، إليان، جورج، إيف، لميس والقافلة تطول.. قافلة أسماء خلّدت في ذاكرة كلّ لبناني لكن بحزن وألم ودموع، فقد باتوا في العالم الآخر، العالم الذي ربّما هو أكثر عدلاً وإنصافاً من عالمنا الكئيب.
هم ضحايا تقليد وعرف وجزء من وطننا يسمّى "السلاح المتفلّت"، وهو تقليد ربّما يتفرّد به لبنان عن سائر بلدان هذا الكون.
في رسالة مصوّرة، من إنتاج "شبكة المساءلة الاجتماعية في العالم العربي" بالتعاون مع الصندوق الوطني للديمقراطية" و"جمعية بيتي"، ومن تنفيذ مبادرة "ما تنسونا" بالتعاون مع جمعية "Safe Side" وجّه الضحايا رسالة مؤثرة إلى اللبنانيين من السماء حملت عنوان: "ما تنسونا".
الفيديو من تمثيل أهالي الضحايا الذين تحدّثوا باسم أحبّتهم الذين فارقوهم بفعل هذا "السلاح المتفلّت" ناقلين بغصّة ما كان من المفترض أن يقوله الراحلون اليوم.
وقد أطلق الفيديو في خلال احتفال توقيع رئيس الحكومة سعد الحريري وثيقة شرف للقيادات المحليّة ضمن إطار الحملة الوطنية للحدّ من مخاطر الأسلحة النارية في السراي الكبير لمناسبة يوم السلام العالمي وبالتعاون مع مؤسّسة ""فريدريش إيبرت".
وينقل الفيديو بعض مشاهد إطلاق النّار العشوائي في مختلف المناسبات ولمختلف الأسباب لأنّ السلاح موجود في أيدي كلّ الناس من دون ضوابط ومن دون محاسبة أو مساءلة أو رقابة، ويقول على لسان الضحية الطفلة لميس نقوش: "أنا البراءة يللي قتلتها رصاصة طايشة حد بيتها.. مين أنا؟ أنا يللي انحرمت من رفقاتي.. أنا الملاك يللي شايفكن من فوق".
كما ينقل الفيديو عن لسان الضحية هناء حمّود قولها: "يوم عرس ابن خالي اشتريت أحلى فستان أبيض.. برمت الدني تلقيتو.. رحت عالعرس مبسوطة كتير.. رقصت.. بعدني مبسوطة بفستاني الأبيض بس بالسما مش عالأرض.. أنا ضحية رصاص الفرح".
وعن إطلاق النّار في المناسبات السياسية وإطلالات الزعماء لسان حال الضحية أمل خشفة هو: "أنا بحياتي ما حبيت السياسة.. كنت من الشغل للبيت.. بس أنا من ورا السياسة وخطابات الزعماء متت برصاصة طايشة.. كرمال عيون الزعيم نشفوا دموع أمِّي".
لسان الضحية سارة سليمان التي أعلنت وهب أعضائها بعد موتها يقول: "بس خبّرت أهلي انو بس موت بدي أوهب أعضائي.. أمّي قالتلي: "بعيد الشرّ يا بنتي".. بس الشرّ كان كتير قريب.. حدّي أنا وناطرة سيارتي متت.. بتصدقوا؟".
وعن لسان الضحية إيف نوفل ينقل الفيديو قوله: "أنا ما بعرف شو ذنبي.. كلّ القصة إنّي بس كنت بسيارتي.. إيه سيارتي فجأة توقّفت بالشارع وتوقّف معها قلبي وحياة أهلي".
وفي ختام الفيديو رسالة من والدة الضحية إليان صفطلي تقول فيها: "فلّيتوا وما ودّعتونا.. حمل كبير حمّلتونا.. عم تسألوا عن العدالة.. إنتو يللي فوق عم تسألوا عن العدالة؟ نحنا ما عنّا عدالة.. العدالة عندكن فوق.. في كتير شباب وصبايا ماتوا بنفس الطريقة يللي إنتو متّوا فيا ولهلّق بعد ما نالوا العدالة.. بس بدّي إسأل.. حدا يجاوبني عسؤالي: ليش نحنا ما عنّا عدالة؟ ليه ما عنّا أمان؟ بخاطركن!".