شن الموسيقي غسان الرحباني هجوماً على مهرجانات بعلبك على خلفية الحفل الذي أقامته بعنوان "صوت الصمود" يوم الاثنين الفائت.
وكتب الرحباني على حسابه على "فيسبوك":
"الى القيّمين على مهرجانات بعلبك الدولية..
إن استبعاد مسرحية "ومن الحب ما قتل" لغسان الرحباني والموسيقار الكبير ملحم بركات من قائمة الأعمال التي مرّت على تاريخ بعلبك (2010) خبيث وحاقد.
يا أيتها اللجنة الكريمة، إن هذا العمل يُشرّف لبنان أكثر بكثير من أعمال أُخرى ذُكِرت فهنيئاً للذكرة المئوية لتأسيس لبنان الكبير وألله يرحمك يا أيها الكبير ملحم بركات..".
ويعد هجوم الرحباني على اللجنة الثاني من نوعه، إذ شاركت المخرجة ريما الرحباني متابعيها على "فيسيوك" بمنشور انتقدت فيه ما حصل.
وكتبت الرحباني: " لجنة ولدنات بعلبك
دخلكن الاخوين مش تنين؟ ما فهمت انا اذا بدكن تعيدوا اي عمل من اعمالن
اولاً مش لازم تاخدوا إذن من التنين؟ وخاصة إنّو من سنتين او تلاتة رحلكن إنذار بهالخصوص؟ وإلا نسيتو؟
تانياً لما تاخدوا عمل تتعيدوه الأصول تعيدوه بصيغتو الأصلية المشرّفة إلكن ولغيركن وأكتر بكتير واللي كرمالا انتو عم تعيدوه والا كيف؟ انو شو بها الموسيقى الأصلية تينعاد توزيعا؟ وسلّمنا جدلاً انّو حابين ينعاد توزيعا، مع اني انا ضد ميّة بالميّة ودايما انا مع الأصليّة، هيك عمل في شي اسمو إذن اولاً لإعادة التوزيع، وفي مسؤولية وفي قيّمين آخرين أولى يوزّعوا ويشيروا ويبدوا رأين هاي مسؤولية كبيرة ما بيقرّرها مين ما كان.
تالتاً لما بدكن تستعملوا صور لفيروز مش لازم تستأذنوها؟". لقراءة المزيد
إضغط هنا.