#الكوليرا_جايي.. هاشتاغ احتل المرتبة الأولى كأكثر موضوع يغرّد عنه اللبنانيون، بعد دقائق على اطلاقه، وذلك خلال استقبال اللبنانيين للعاصفة والتعليق على تداعيات أكوام النفايات على الطرقات.
فقد قالت هبة: "صار لبنان في مين هب ودب شو وقفت عالكوليرا؟"، وعلّق جمال قائلاً:"الكوليرا جايي والبلد ماشي والتهجير ماشي والزباله ماشيه...ولا يهمك"، وأضافت "زازو": "طول عمرو غرقان بالديون وهلأ صار غرقان بالزبالة والأمراض #الكوليرا_جايي #لبنان_يغرق"، وكتب ريان جردي "الكوليرا_جايي والشعب وحدو الشعب بيتحمل المسؤولية".
أمّا أسامة فغرّد قائلاً:"لو طبقنا خطة ملك جمال لبنان ما كنا وصلنا لهون"، وكتبت آلاء: "الكوليرا_جايي اهلا وسهلا بهالجيّة"، فيما رأى قاسم: "ما ضل مرض ما صار عنا وقفت على الكوليرا".
جنان علّقت من جهتها بالقول: "يا عين يا ليل هيدا يلي كان ناقصنا"، وكتبت "لبنانية": "الكوليرا_جايي المصائب والامراض ما حتميز الفقير عن الغني المواطن عن السياسي يعني حتنصابو فيا متلنا يا زعما".
من جهته، سأل أحمد "شو ح تخبرنا ليلى عبد اللطيف الليلة عن الزبالة.. مشغول بالنا ع مستقبل الزبالة"، وكتب أحد الناشطين: "الكوليرا_جايي بس ييجي منعمل هاشتاغ #أهلا_كوليرا وهيك منضل عم نواكب القضية على تويتر.. بس على تويتر".
وتوجّه رواد إلى اللبنانيين قائلاً: "اليوم تحصدون.. ما زرعتم في الإنتخابات"، وكتب فادي: "ما رح يجي شي هيك شعب عندو مناعة ضد كل الأمراض وخاصة الكوليرا"، فيما علّقت ريم بالقول: "بكرا بتجبلنا الدولة لقاحات ضد الكوليرا".