حلّت الفنانة رانيا يوسف، أولى ضيفات برنامج "العرافة" الذي تقدّمه الإعلامية بسمة وهبة طوال شهر رمضان على قناة "المحور"، وكشفت الأسباب الحقيقية وراء توتر العلاقة بينها وبين الفنانة الكبيرة نادية الجندي، وتحدّثت عن زيجاتها، وفجّرت مفاجأة حول معرفتها بمن دسّ المخدرات في سيارتها في قضيتها الشهيرة بعد انفصالها عن زوجها الثاني.
وقالت رانيا عن علاقتها بنادية الجندي: "في دايماً حرب من تحت لتحت، وفي حاجات من تحت، في ناس بتحارب بذكاء، أنا معنديش الذكاء ده، لأني لما بحارب حد بيبقى في وشه وقدام الناس ومباشر وفي العلن".
وأضافت: "معنديش لف ودوران، أنا مش بحارب نادية الجندي، هي بعيدة عني خالص، مش هاخد أدوارها، هي محتاجة تاخد أدواري لأننا مش في سنّ بعض".
وتابعت: "الموضوع مش قصة أدوار على قد ما هو حاجات شخصية، لما كنت متزوجة من المنتج محمد مختار، كان في صراعات على المستوى الإنساني وفي حياتي، لم تكن عادلة بيها ولم تكن عادلة في ما يتعلق ببناتي، وهي ليست مقياساً للنجومية بالنسبة لي، أول فيلم عملته كان بفلوسها، عملت أفلام كتير بفلوسها، أحترم فيها إصرارها، لكن النجومية بتتعمل بحاجات كتير مش شرط تبقى موهوب عشان تبقى نجم، ممكن تبقى نجم وأنت مش موهوب، مش هبقى زيّها لحاجات كتير منها إني مش معايا فلوس أنتج لنفسي، ولو معايا مش هنتج لنفسي".
وواصلت: "كانت بتهدّي النفوس لما كانت بتتدخّل بيني وبين طليقي، كانت بتوقّع بيني وبين زوجي السابق، واتدخلت في علاقتي ببناتي بعد الطلاق، ومش هتكلم في تفاصيل حياتي لأنها مش ملكي لوحدي، وبتخص محمد مختار وبناتي كمان... قوّمته عليّ وعلى بناتي".
وكشفت رانيا يوسف عن سر المخدرات التي وُضعت في سيارتها، والأزمة التي حدثت لها بسبب ذلك، قائلةً: "أنا عارفة مين اللي حطلي الحشيش في العربية بس معرفتش أثبت ده وكان في كذا حد كان معه مفتاح العربية"، مؤكدة أنها أثبتت أن زوجها أخذ السيارة للصيانة في ذلك الوقت.
وقالت بسمة وهبة: "بس من غير إثبات كل الناس كانت عارفة إنك بريئة"، فردّت رانيا يوسف: "تمام، ده يكفيني وهذا بسبب أن النية طيبة وربنا ربّ قلوب ونوايا... أنا لما تزوجته نيتي معه كانت طيبة جداً وكنت شايفاه ولد كويس جداً".