في أول تعليق لها.. ماذا قالت الوصيفة الأولى لملكة جمال لبنان؟

في أول تعليق لها بعد فوزها بلقب الوصيفة الأولى لملكة جمال لبنان، تحدثت كلوي خليفة في منشور عبر حسابها على إنستغرام عن حلمها.

وقالت: لأنّو كل حلم بيستاهل يتحقّق، حملت مسؤوليّة حلمي و سهرت كرمالو. و كلّ نبضة قلب اشتغلت فييّ و بِروحي شَقَّيت طريقي إلو. وقتا تخايلت النّجاح، تخايلت إنّي قريبة من كلّ إنسان و من كلّ بيت ريحتو لبنان. اليوم، بِفتخر قول إنّي وصلت لأوّل نجاح و هو قلب النّاس. حُبكُن و دَعمكن لَمَس قلبي و كان أَجمل تاج. شكراً للمرشدين اللي رافَقوني و عَلَّموني أكتر من أيّ كتاب".

وأضافت: "بحب هَنّي ملكة جمال لبنان وكلّ بنت شاركت بالمسابقة. بدّي قول لكلّ صبيّة مِنُّن إنّي ممنونة لمشاركتنا هالتّجربة سوا و و شكراً لكلّ صِفَة حلوة تبادلناها".

وتابعت: "ولأنّو القضيّة ما بتحتاج لَلَقب أو تاج لَتِتْنَفَّذ، بِشَغَف و إصْرار رح ثابِر لَوَصِّل قضيتي. مِن هون، من قلبي المليان أَمَل، و تحت سما لبنان، بَلَّشت الحلم و كلّ يوم عَم يكبَر".

View this post on Instagram

A post shared by Chloé (@chloekhalife)

وكانت المشتركة بيرلا حلو فازت بلقب ملكة جمال لبنان للعام 2025. فيما حلت كلوي خليفة الوصيفة الأولى لها. وتم اختيار كارلا دحداح الوصيفة الثانية، وياسمينا حلبي الوصيفة الثالثة وسارة سماحة الوصيفة الرابعة.