فنون ومشاهير

ممثل يعلن إصابته بعدوى كورونا برسالة مؤثرة: "يمكن تكون آخر كلمات ليا"

Lebanon 24
06-07-2020 | 18:00
A-
A+
Doc-P-721275-637296396918520395.jpg
Doc-P-721275-637296396918520395.jpg photos 0
facebook
facebook
facebook
telegram
Messenger
A+
A-
facebook
facebook
facebook
telegram
Messenger
أعلن الممثل المصري محمد صلاح الذي شارك في عدد من الأعمال بأدوار ثانوية إصابته بالعدوى الناتجة عن فيروس كورونا المستجد.

وجاء هذا في رسالة وجهها إلى متابعيه ونشرها على حسابه على تطبيق الصور والفيديوهات "إنستغرام". وكتبت فيها: "بكتبلكم وأنا على سريري في مستشفى صدر العباسية وبعد عمل أشعة مقطعية على الصدر اللي أكدت إني أصيبت بالوباء اللعين وقالولي اتأخرت ليه. يمكن تكون آخر كلمات ليا في الدنيا دي. اترددت كتير بس لقيت نفسي مش قادر وبكتب لأني حسيت احساس غريب حسيت اني مش خايف من الموت. أنا خايف إني أموت قبل ما شوف النجاح. استغربت وقولت لنفسي انت مش خايف من الموت؟ قولت والله لا، أنا خايف أموت قبل ماشوف نجاحي. بلدنا بقى الحلم فيها إنك بس تشتغل، إنت بس بتحاول طول الوقت انك تشتغل وتخبط على البيبان وكل البيبان بتتقفل في وشك".
 
وأضاف: "شباب في أول عمرهم وشباب بقوا رجال ورجال أصبحوا كهول وبنات وسيدات موهوبين خريجين المعاهد والكليات الفنية وماوقفوش أمام كاميرا. واللي هاجر واللي اكتأب واللي انتحر. أجمل مافي الوجود الحلم والطموح واقبح مافي الوجود عدم تحقيق الحلم أو الطموح ده. أرجوكم يا أصحاب الاختيار في شركات الإنتاج من المخرجين ومساعديهم أو مديري الإنتاج أو المنتجين الفنيين أو المشريفين على الانتاج أو أصحاب الورش الفنية أو الكاستينغ دايريكتور أو صاحب المنتج الفني أو أو... الموهوبين في مصر كتير واللي ضيعوا عمرهم في حب الفن ودراسته سنين كتير لكن معندهمش واسطة ولا صاحب ولا قريب مخرج ولا منتج ولا منتج فني ولا ابن نجم برضه كتير قوي".

وتابع: "أنا كل اللي بتمناه العدل إن الموهوبين دول ياخدوا فرصة من الفرص الكتير قوي دي معرفش إزاي ممكن يتحط النظام اللي بيه كل الموهوبين الدارسين أعضاء نقابة المهن التمثيلية ياخدوا فرصة واللي يثبت نفسه يكمل واللي ما يثبتش نفسه الجمهور هايقول عليه لا. بس بعد ما يكون أخد الفرصة. فكرت ولقيت إن أنسب حل وانا يمكن ما حضرش تنفيذه أو حتى الموافقة عليه هو عمل بروتوكول ملزم بين الدكتور أشرف ذكي بصفته نقيب فنانين مصر ورئي".

وختم: "يارب لو اتحقق الحلم ده وكنت يعني لا قدر الله مت أبقى مت وأنا مستريح وسيبت لأولادي ما يفخروا بيه".
المصدر: لها
تابع

أخبارنا عبر بريدك الالكتروني

 
إشترك
Softimpact Softimpact web design and development company website
جميع الحقوق محفوظة © Lebanon24
جميع الحقوق محفوظة © Lebanon24
Softimpact Softimpact web design and development company website