شقيقة ميشيل الحجل توجّه لها رسالة مؤثرة: "بكرا عرسك.. عريسك فوق ناطرك"

وجهّت بولا الحجل، شقيقة ميشيل الحجل رسالة مؤثرة للأخيرة عبر حسابها الخاص على "فايسبوك"، فكتبت: "بكرا عرسك انكتبلك عمر جديد عمر طاهر متلك. بكرا و بعدو رح افقدلك وقت روح عند ماما مش رح لاقيكي ناطرتيني. مهما كبرتي رح تضلي بعيوني طفلة اللي بتركض لعندي بس تحس بالوحدة، وقت تفرح و وقت تزعل.

ومين غيري رح يحمل همك بهالعمر، ما انا سندك وانت قلبي وروحي انت عيني اللي بقشع فيا.عهد علي ابقى سندك و سند اختك و امك و بيك يا كل حياتي.

اختي حبيبتي، ضحكنا كتير وبكينا كتير وتعذبنا اكتر من كتير. ياما حكينا اسرار لبعض يا ما سهرنا وتحكيلي احلامك الزغيري.

كبرتي يا زغيري صرتي عروس والأبيض شو لابقلك وعريسك فوق ناطرك تيكمل فرحتك.

يسوع، انتبه عليا لأنها الروح.. اااااه يا قلبي".

وكانت ميشيل الحجل الوصيفة الثالثة لملكة جمال لبنان للعام 2016 قد فارقت الحياة أمس الإثنين بعد صراع طويل مع مرض السرطان. ويحتفل بالصلاة لراحة نفسها الساعة الرابعة والنصف من بعد ظهر يوم غد الأربعاء في كنيسة سيدة البشارة للروم الأورثودكس في جل الديب.

مقالات لبنان24

رادار لبنان24

صحافة أجنبية

ضيوف لبنان 24

صحة

فنون ومشاهير

رياضة

منوعات

تكنولوجيا وعلوم

المرأة

أفراح ومناسبات

تعازي ووفيات

لبنان

فيديو

خاص

إقتصاد

عربي-دولي

متفرقات